Act 16 黑暗的先兆

「哇！咁多嘅！？點算呀？」Apple大驚

 

「頂．．．掉頭啦！」我說著立即拉著Apple逃跑

 

我們沿著下來的樓梯回到警局大堂，卻竟然連這裡都有喪屍了！而且有些看起來身體還很「健全」，可能是由碼頭那邊過來的。我拉著Apple從正門跑出警局，想不到街上又再佈滿了喪屍，雖然情況比不上旺角那麼混亂，但是已經不是能輕輕鬆鬆的局面了．．．

 

「我住上面青梅樓咋，妳應該都識路架啦！我地邊殺邊走，有威脅嘅先殺，遠嗰D就唔好理佢地，仲有千祈唔好開槍！」我說

 

「吓．．．啊．．．嗯！」Apple跟著我走

 

我們一直跑，來到一個丁字馬路口。只要再沿旁邊的樓梯跑上去，就會到達我所住的大廈。

 

「哇．．．嗄．．．嗄．．．唔得啦．．．歇一歇先．．．頂唔順啦．．．」Apple扶著欄杆喘氣

 

「我地停低會好危險架喎．．．」我扶著她說

 

「宜家我地喺樓梯中間．．．上面又無喪屍．．．佢地上樓梯應該都無我地咁快．．．抖陣先啦．．．」Apple說

 

我環顧四周，的確喪屍數量比剛才警局那邊少，而且這個位置沒有死角，算是安全吧。

 

「咁．．．好啦，妳坐下先啦，．．．嗱，飲啖水先啦。」我遞給Apple一瓶水

 

「唔該．．．哇．．．你咩構造架．．．揹咁多嘢．．．又跑樓梯．．．你唔識攰嘅咩．．．」Apple苦著臉說

 

「ok啦．．．我本身係幾好氣嘅．．．」我笑說

 

「後生真係好．．．」Apple說

 

「．．．妳都唔係好大年紀啫。」我喝了一口水說

 

「我三十九歲啦，仲唔夠大呀？」Apple說

 

「哇．．．咁真係睇唔出．．．我以為妳頂多咪三十多少少．．．」我客氣地說

 

「嘻．．．你真係識氹人，呂晨執輸．．．呃．．．Sorry．．．」Apple衝口而出

 

「．．．唔緊要啦。」我說

 

我們沿路走到昇降機大堂，這裡只有一隻喪屍和數具老人的屍體．．．

 

「哇．．．殺左佢殺左佢．．．」Apple捉著我說

 

「．．．不如妳試下？」我說

 

「吓？點解呀．．．？」Apple說

 

「妳總要習慣下．．．佢地唔係人．．．佢地攻擊我地係唔會猶豫．．．」我說

 

Apple雖然不太情願，但還是拿著警局找到的警棍，小心地走到喪屍前．．．

 

「．．．哎呀．．．呀！！」Apple打了它的頭一下便立即跑回來．．．但喪屍並沒有受到太大傷害．．．

 

「唔．．．算啦．．．下次先啦。」我無奈說

 

「咁．．．警棍要嚟打人，唔係打喪屍架嘛．．．我又唔係警察．．．」Apple說

 

我拿著專用的鐵撬向喪屍走過去，突然，地上的死屍一手捉著我的腳，更一口咬向我的小腿！！我嚇得使力一下把它的頭顱敲破！幸好我沒有被咬傷．．．為免夜長夢多，除了那隻會走的喪屍，地上的屍體我都統統把它們的頭顱打破。

 

「我仲以為D屍體係已經死左．．．」我說

 

「如果我無估錯，可能係因為佢地本身係老人家．．．身體虛弱，甚至行動都有問題．．．所以先會爬喺地下．．．」Apple說

 

我們走進昇降機，很快便到達我所住的樓層。

 

「依度就係你屋企啦？」Apple說

 

「係呀，入去啦。當自己屋企得啦。」我續說「雪櫃有嘢飲，妳自己嚟啦。我用電腦上網睇下咩情況先。」

 

我沒有理會Apple，我搖動了一下自己電腦的滑鼠，電腦便由待機狀態回復過來。

 

「嗱，你都飲D嘢啦。」Apple遞給我一包紙包飲品，續說「咦？你好乖喎，專登開個File叫Studies，你一定好勤力啦！」

 

「使乜講．．．」我怎會告訴她這個有2 TB的Studies文件夾實際上是放什麼．．．

 

正當我打算上網尋找線索的時候，電腦卻突然自己關掉了！不．．．這種寧靜的感覺．．．是全屋的電器都關掉了！

 

「啊？唔通．．．停電？跳制？無可能架．．．」我嘗試開動任何電器

 

我走到電箱前，打開電箱一看．．．所有的按鈕都是ON的狀態．．．我再走到鄰居的家看看．．．原來鄰居的情況也一樣！

 

「大獲啦依舖．．．」我回到自己家說

 

「咩事．．．？」Apple問

 

「我估．．．全九龍新界都停電．．．發電廠可能已經淪陷．．．」我說

 

沒有了電力，我們就不能得到外界的消息．．．也不可能聯絡外界．．．

 

「咁．．．手機呢！」Apple拿出自己的手機

 

「係喎．．．無電．．．」我拿出手機一看

 

「我都係．．．」Apple說

 

「唔．．．辦法再諗啦，除左電．．．」我說著並走到廚房

 

我扭開水喉和打開煤氣爐，果然．．．沒有電，水和煤都不行了．．．

 

「唔．．．宜家天又開始黑．．．我地一係喺度過一晚先，聽日再打算？」Apple說

 

「都好嘅．．．」我說著，走到門外

 

因為我所住的大廈是井字結構，所以從門外可以看到整個大廈的所有單位．．．此時我發現下一層正對面其中一個單位有兩個男子走出來！

 

「竟然有人！！」我驚喜說著，立即用電筒照過去，因為大廈已經停電，電筒的光十分明顯

 

那兩個人也向我看過來．．．我向他們示意要他們上來．．．數分鍾後他們果然上來了。他們看來都是年輕人，應該是中學生吧？

 

「哎呀．．．竟然仲有未死嘅人．．．太好啦。」其中一個男子說

 

「你地點解會喺度嘅？」Apple走出來

 

「啊．．．原來仲有．．．仲有其他人，我地係喺附近既中學逃走過嚟，已經幾日啦。你地係差人．．．？」其中一個男子看著Apple身穿的警察制服說

 

「吓？唔係．．．之前件衫爛晒，所以著住先啫。」Apple說

 

「有生還者係好事嚟嘅，我叫流主，你地呢？」我說

 

「我叫基仔，佢係我同學叫善良。」其中一個男子說

 

「咁得意嘅個名．．．我叫Apple。你地住喺度架．．．？」Apple說

 

「唔係呀，我地見出面咁多喪屍，依度又無人，咪搵間屋住住先囉。」基仔說

 

「你地有無嘢食呀．．．我地已經有一段時間無食嘢啦．．．」善良說

 

「你地入嚟啦，我地有嘢食！」Apple很好客

 

「咁我地上緊堂，突然就話有緊急情況，不過同消防演習唔同，老師叫我地鎖好課室門窗，唔好離開．．．之後老師就走左．．．個個都諗住唔使上堂好開心啦，點知突然聽到老師尖叫，個個同學都嚇到出唔到聲，我地咪開門裝下咩事，原來成間學校都係喪屍！有D仲係我地D同學．．．個個一驚就亂咁走．．．我同善良反而唔係好驚．．．我地仲推D喪屍落操場．．．但係佢地愈來愈多，我地就喺學校匿埋．．．不過過左一段時間，我同善良仲有幾個同學覺得唔係辦法，就決定離開學校．．．可惜最終得返我同善良．．．」基仔一邊吃一邊說

 

「原來係咁．．．你地咁細個就經歷依D嘢．．．真係可憐．．．」Apple說

 

我們吃著吃著，食物終於見底了，始終我們原本就只有不多的食物，現在要分給四個人，不夠也不足為奇．．．

 

Act 15 武器

雖然經歷了三天恐怖的逃亡，但是我依然是後知後覺地不知不覺睡著了．．．

「你．．．起身啦？．．．對唔住．．．我已經兩日無食過嘢．．．所以食左你背囊入面啲嘢．．．不過仲有淨架！我無食晒架．．．」她走過來說

「唔緊要．．．對唔住．．．」我低下頭說

「我都多謝妳救我．．．無你．．．我可能要喺依度餓死．．．」她說

「．．．我唔會再搞妳，對唔住．．．我真係一時失控．．．．．．但妳放心，我會同妳一齊走！」我說

「知道左你嘅事．．．我覺得情有可原嘅．．．」她說著並給了我一支水

「唔該．．．係呢，我叫流主，妳叫咩名？」我說

「原來你叫流主，我叫Apple。」她說

「我英文名叫Samsung。」我開玩笑說

「嘻．．．你仲有心情開玩笑．．．我叫Apple係因為我叫阿萍，細細個已經有同學叫我萍果妹，所以先叫Apple架。」她說

「哈哈，幾得意，我其實無英文名嘅。話時話，妳點解會喺度嘅？」我說著，並拿了一些食物

「我係喺附近診所返工嘅，前幾日電視突然有特別新聞報導講話旺角好亂，但係唔知咩事．．．原本都仲好地地，之後夜晚差唔多閂門嗰陣，突然間有個痴線佬入嚟亂咬人！我地好驚，之後咪打電話報警囉！但係又無人聽喎．．．點知比佢咬到嗰啲人都痴埋線咬其他人！我驚啦，咪同醫生喺後門走．．．但係一出到街原來四圍都係個啲食人怪物！我即刻跑嚟差館，嚟到已經唔知醫生去左邊．．．而且依度已經無晒人．．．但係出面都仲有怪物嚟緊，我見依間房開住門，咪走入嚟避下．．．之後我都唔知過左幾耐啦．．．我又唔敢出去，好彩依度有個廁所咋！」她說

「辛苦左妳．．．一個女人．．．捱幾日餓．．．」我說

「為左我個女．．．我係唔可以死．．．我雖然喺依頭返工，但係我個女喺我媽度住．．．佢地都係住喺香港個邊．．．我尋日睇依度個電視講話香港嗰邊無事．．．所以我一定要過去．．．」她說

「原來係咁．．．好啦，我會幫妳。」我說

「咁我地宜家要點做？」她問

「我地要先搜索下依個差館，最重要係搵槍械庫同藥物。之後我地就要睇下去邊度搵船過海。」我說

「但係．．．出面好多怪物喎．．．」她緊張地說

「唔怕，我對付到佢地。」我說

我們搜索這個房間，找到了一個櫃子，裡面都放著警察的制服，Apple立即換上了。我們推斷槍械庫很大機會會在地庫，因為接近停車場，方便警察出動。於是我們便決定下去尋找．．．我們選擇走樓梯下去，到了地庫，這裡是一條長走廊。果然，真的讓我們找到槍械庫，可是我們卻沒有進入的鎖匙，而且它好像是要用鎖匙和匙卡才可以打開．．．

「睇嚟都係要搵．．．但係差館咁大都唔知要點搵．．．」Apple說

「其實唔難，揸匙嘅人一定喺附近。就算遠都一定喺依一層，如果唔係有突發事嘅時候先去搵鎖匙開門就論盡。」我說

「又係喎．．．」Apple說

我們仔細搜索這裡的所有房間，但是不要說人，連喪屍都沒有一隻．．．怎麼會有保管鎖匙的人出現．．．這時，我們來到了一個更衣室。

「啲Locker可能會有！」Apple說

我立即用鐵撬把Locker續一打開，最終找到了一張匙卡和二十多條鎖匙．．．我們回到槍械庫，用匙卡在門邊的讀卡器上刷了一下，讀卡器上的紅燈馬上轉成綠燈。

「鎖匙就等我嚟啦！」Apple說

她隨便拿起一條鎖匙開門，十分意外地竟然第一條便打開了！

「妳又知嘅？？」我問

「我估架咋！我條命係咁架，大獎唔會輪到我，但係依啲小事上往往我都好好彩！」Apple笑著說

看到她的笑容，我心裡突然不禁想，昨天晚上我還打算強姦妳了，現在妳對我好像已經完全沒有戒心一樣．．．是妳太單純．．．還是．．．妳太陰險．．．

我們一進門，便立即被眼前的畫面把我的疑慮都拋諸腦後．．．這裡．．．什麼都沒有．．．跟我預期中像電影般放滿了彈藥和各式不同槍械的畫面完全不同．．．

「唔．．．都話大獎唔到我中．．．」Apple苦笑著說

「其實都正常嘅．．．發生啲咁嘅事，警察一定會動用所有軍火．．．我應該一早估到先啱．．．」我說

既然都進來了，便隨便搜索一下吧．．．可惜，果然真的完全被清空了。

「咦？有呀有呀！」Apple說

我走過去看，是三把手槍！雖然我對槍械沒有認識，但它們看上去都是同一個型號。然而，管它是什麼槍，此刻，有槍就行了！我們也在Apple發現手槍的櫃裡找到數個皮帶槍袋，我們都帶上了並讓Apple也保管一把手槍。雖然這做法有點冒險，但我直覺覺得她應該不會害我的．．．大概．．．

「其實都唔知用唔用得著，我都唔識開槍。」Apple說

「我都唔識．．．或者我地應該試下．．．」我說

我們走到槍械庫旁邊的練靶場學習如何用槍，想不到這裡的牆上都貼了一些教學的海布，我們跟著海布的步驟嘗試．．．

「好似好簡單．．．拉下擊鎚後扳．．．扣扳．．．哇！！！」我說著便開了一槍！

想不到跟電影中的完全一樣，十分簡單．．．反動力也比想像中小，難怪香港警察都用它．．．也難怪呂晨這麼簡單便．．．．．．

Apple也急不及待試槍．．．「砰！」她幾乎嚇得把槍也掉了．．．

「好痛．．．手指公好似整到．．．」她痛得單著眼說

「無事呀嗎．．．？我諗如無必要都唔好用槍啦．．．子彈唔多，又大聲．．．如果唔係差館無喪屍我都唔會試槍．．．」我說

我們搜索了一番，找到了數十顆子彈。

「咁嚟緊去邊？」Apple問

「唔．．．搵架車先，之後去我屋企，我就住喺附近，到時再決定點過海啦。」我說

我們離開練靶場，走到後門前往地下停車場，豈料一打開門，停車場內竟然有大量喪屍！

Act 14 掙扎

「流主．．．頂住．．．」財神勉強撐著站起來，然後竟然縱身撲向喪屍群！

「財神！！！」我一時間不知所措

「我係唔係都死硬，你一定要生存落去！！呀！！！！！」財神說著，一邊忍受喪屍的咬嚼，一邊把它們推開「走啦！！！！！！」

我忍著淚水，把握機會從空隙中跑出喪屍的包圍！我不顧一切，不斷跑，直到身邊的喪屍已經少得不再構成威脅．．．我回頭看著混亂不堪的消防碼頭．．．裡面的人是死是活，我沒有深究，也沒興趣再深究．．．這一刻，我覺得要活在這個世界，誰都不可以相信．．．特別是女性。

我靜靜地從消防碼頭的另一端離開，穿過了工廠街，我回到了大街，心裡還是對於呂晨的背叛感到十分忿怒．．．因為她，把其他人都害死了．．．我一時間心裡沒有了打算，既然家也就在附近，我便決定步行回家。幸好青衣人口密度很低，而且大部份喪屍都已經聚到碼頭，路面已經很安全．．．說到這裡，我想起回家的反方向，有一所警局在不遠處，大概數百米距離．．．有必要去冒險一下。

警局門外意外地沒有喪屍，我小心地走進去，也只有一隻穿著警察制服的喪屍招呼我，當然，這個數量，我輕易便把它打發了。

我走到櫃台處，嘗試尋找會否有任何地圖或是類似物品時，發現身後有一個房間，我賭賭運氣用櫃台上找到的鎖匙試試打開它，竟然真的讓我打開了！

原來這裡是一個寫字樓，不過十分混亂，文件幾乎淹蓋了地板．．．我眼看四周都沒有喪屍，便慢慢搜索。突然我發現前方一張書桌下居然躲著了一個女子！

「你．．．你唔好過嚟呀！！！」她對我吼叫著

我看著她，一時間也不知道要作什麼反應．．．

「求下你．．．」她開始哭起來了

「我係人嚟架。」我說

「你．．．你唔係嗰啲怪物．．．？太好啦．．．我真係好驚呀．．．」她哭得更厲害了

我仔細觀察，才發現她的衣服都被撕破了，而且看著她那白色的長襪，十居其九是一個護士。

「我真係好驚．．．佢地會食人架．．．好彩你出現咋．．．我一個人真係好驚．．．」她哭著說

我放下背包，拿出了一些食物和藥物．．．不知怎的，她的說話忽然讓我聯想到呂晨．．．女人都是卑鄙的．．．我不可以相信她．．．不對啊．．．一不做二不休，我跟她非親非故，為什麼要幫助她？她看起來也挺好看，雖然年長了一點，可能有三十五六歲吧．．．倒不如．．．強姦了她．．．反正做好人也不會有好報．．．明天可能我也會變成喪屍了．．．還談什麼道德不道德？而且．．．這都是女人自找的！！

忿怒充昏了我，我走過去把她按在地上就撕開她的衣服！被白色胸罩保護著的雙峰就呈現在我眼前！

「哇！！！你做咩呀！！！！唔好呀！！！！救命呀！！！！！！」她邊哭邊尖叫著

我沒有理會她，我把她的胸罩也扯下，一手便捏著她的胸部，不算跟喪屍的踫撞，這是我第一次觸摸女性的胸部．．．

「求你．．．」她邊哭邊說，就像對著一隻喪屍求饒般．．．

我的手開始進攻到她的下身．．．但不知怎的．．．我很想哭。

此時我留意到她開始不反抗了．．．

「妳．．．妳做咩唔反抗？」我問

「．．．你．．．我睇你嘅裝束．．．你應該已．．．已經．．．經歷左好多．．．你又有食物．．．又有藥．．．跟著你．．．我應該可以生存落去．．．你．．．如果真係要．．．強姦我．．．就強姦我啦．．．但係請你．．．要救埋我．．．我一定要返去．．．我個女身邊．．．」她一邊哭一邊說

她的說話又再讓我回想起呂晨的說話．．．

「所以話你天真，我只係見邊個生存機會高，我就痴邊個．．．」

說穿了，會有女人需要我，也只是因為可以生存下去而已．．．

我哭了出來．．．我．．．還是崩潰了．．．所有過去的畫面都再次浮現．．．父親的死．．．阿立．．．阿強．．．勤力德．．．求撚奇．．．財神．．．Brandy．．．他們的死相我依然暱暱在目．．．被呂晨出賣．．．更使我傷心欲絕．．．這就是天意嗎？是世界末日嗎？

那女子慢慢爬開並穿回她那破爛的衣服．．．

「對唔住．．．」我哭著說「我．．．始終做唔到．．．我明明係好人．．．點解．．．．．．我做嘅嘢都係為大家著想．．．我只係想幫大家生存落去．．．但係偏偏就累死晒身邊啲人．．．．．．點解．．．我做錯啲咩．．．我唔想變喪屍．．．但係．．．我都唔想做一隻魔鬼．．．．．．我應該點做．．．」我伏在地上抽泣著

「或者．．．你．．．可以話比我知．．．？」那女子突然說話了

「妳．．．對唔住．．．我真係好對唔住．．．」我哭著對她道歉

「你．．．一定係經歷左啲好可怕嘅嘢．．．不如．．．你話我知．．．講左出嚟．．．會舒服啲．．．」她說

我哭著沒有回應．．．她慢慢走過來抱著我．．．這感覺很舒服．．．很溫暖．．．

「唔好自己一個痛苦．．．有咩話比我知．．．」她說

我把一直屈在心裡的事情全部都說了出來．．．盡情地哭了．．．

Act 13 殘酷的命運

「太好啦．．．終於都得救啦．．．」財神說

「哈哈．．．」求撚奇也鬆了口氣

「唉．．．總算無事啦．．．」Brandy說

「太好啦．．．」呂晨說

歷盡艱辛，終於找到救援了．．．真是百感交集．．．失去了父親．．．朋友．．．不過也得到了一個很好的人生經驗．．．也交到了很值得信賴的朋友．．．還有一個女朋友．．．

「依度都有幾十人．．．估唔到都仲有咁多人生存．．．」財神說

我們坐在一旁休息，等待上船離開。同時間，聚集的人也愈來愈多，在場有數個警察在維持秩序，並要求大家保持安靜．．．也有一些工作人員派發糧食和飲料．．．

「唔好意思，我想同你地登記一下，你地叫咩名？」工作人員說

「我叫流主。」我說

「我叫呂晨。」呂晨說

「我叫吳才申。」財神說

「我叫求．．．梁文奇。」求撚奇說

我們都偷偷笑了一下．．．梁文奇．．．良民奇．．．求撚奇哪裡是良民了．．．

「小姐呢？」工作人員問Brandy

「．．．Brandy。」Brandy說

「呃．．．唔好意思呀，我地要中文全名．．．」工作人員說

「．．．．．．朱曦．．．」Brandy說

「噗．．．．．．哈哈哈哈！！」我們都大笑起來，連工作人員都忍不住笑了

「點啫！！有咩好笑啫！！！」Brandy惱羞成怒

這時有一個應該是發起人的消防員站出來，沒有使用任何擴音系統說。

「我好欣慰見到仲有咁多生還嘅人，我地唔知今次究竟發生左咩事，亦唔知有咩解決嘅方法，我地可以做嘅，就係用我地嘅船，送大家去安全嘅地方。雖然我地每次只可以接載二十人，唔包括船上既工作人員，而經過我同事點名，依度有一百三十四人。但係放心，我地會來回接送，直至將所有人送走，警察亦會喺度保護大家，所以大家唔使緊張，大家已經安全架啦！．．．咁宜家請根據工作人員指示排隊。」

大家也依照工作人員指示排隊並慢慢上船，不過，進度比想像中慢，因為每個人都要接受醫護人員的嚴格檢查．．．

「我諗我地要搭下一架。」財神仔細數著

此時，後方突然傳來了一下尖叫聲！全部人都嚇得向後望，工作人員也立刻過去查看．．．但是，後方的人逐漸開始緊張，更開始有人迫向前！！

「咩．．．咩事．．．」Brandy問

人群愈來愈混亂，即使工作人員嘗試把人群控制，都依然徒勞無功．．．突然，後方再傳來數下槍聲！！這把所有人都嚇壞了！所有人都不顧一切跑向消防船！！呂晨也立即跟著跑！我們見狀，也只有跟著她。然而，前方的人群已經迫住了，我們根本上不了船！！此時後方又再傳來慘叫聲！！

「有喪屍呀！！！！」

不知道是誰在大叫著！！人群你推我撞，不斷向船迫過去！！！就在我們快要到船上時，船竟然開出了！！有些人立即跳上船逃生，有些人則被推了下海！被迫到一邊的我們根本就跳不過去．．．我向後看，原來不知何時後方已經聚集了很多喪屍．．．有的還是「新兵」！由於船已經開出，很多人都在大叫著，喪屍群也變得更加兇猛！！

「我地點算呀？？」財神問

「散水啦！！無船搭我唔撚識偷渡呀宜家！！！」求撚奇說

「呀！！！！！」此時，Brandy被一隻喪屍捉住了！！

「你老母個臭西呀！！」求撚奇立即上前幫手，但是，喪屍愈來愈多，求撚奇和Brandy都被喪屍群淹沒了！！！

「求撚奇！！！」我立即用鐵撬攻擊，但是喪屍的數量已經多得不是我能應付

「走啦！！！」財神拉著我

「屌！！！」我忍著淚水轉身就跑

可是，我們的後方也有一堆喪屍，我們進退兩難！這時，我看到不遠處有一道鐵閘，看來是離開消防碼頭的後門！

「我地走嗰邊！！」我拉著呂晨和財神說

我們拼命逃跑，但是後方還是有數隻喪屍窮追不捨！眼見快到鐵閘了！

「呂晨妳過去先，我同財神殺左後面啲喪屍先！」我轉身用鐵撬打向追上來的喪屍

幸好只有數隻喪屍，我們還可以應付得來。處理完了我們便轉身離開，卻發現．．．

「呂晨．．．？」我呆著了．．．

我隔著被牢牢關上的鐵閘看著呂晨．．．

「呂晨．．．妳做咩．．．快啲開門比我地．．．」我不敢相信地說

「對唔住，後面咁多喪屍．．．一定要有人做餌．．．」呂晨說

「呂晨？．．．妳．．．」財神也不敢相信

「．．．妳唔好玩啦．．．開門啦．．．」我依然不願意接受呂晨所說的話

「唔怕話你知．．．你真係好天真，其實一開始我已經呃左你．．．我地喺燈飾舖相遇，我話我朋友突然間比人咬．．．依啲．．．全部都係大話。真相係．．．我地由港鐵站不斷咁逃走，我同我男朋友走左入燈飾舖度暫避，但係D喪屍已經追到上嚟．．．結果，我將我男朋友推向喪屍．．．等我有時間逃走．．．」呂晨說

「咁．．．妳都係迫於無奈啫．．．」我不能相信

「你以為喺朗豪坊嗰度，Mike同Natalie點解無跳落嚟呀？就係因為我將Natalie推向喪屍度，我先可以慢慢安全咁跳落嚟。」呂晨說

「呂晨．．．」我不知道該如何反應

「宜家，情況都一樣。」呂晨竟然從背包中掏出一把手槍！！

「妳．．．妳幾時．．．」我不敢相信呂晨竟然用槍指著我

「咪就係喺警車度拎囉。」呂晨說

「妳．．．妳想殺我．．．？妳唔係．．．鍾意我嘅咩？？」我哭著說

「所以話你天真，我只係見邊個生存機會高，我就痴邊個．．．你．．．唔好話我要犧牲我嘅身體．．．我連錫你都唔使．．．就呃到你貼貼服服，樣樣嘢都維護我．．．我都估唔到。」呂晨說

「妳使唔使咁過分呀？無必要咁樣出賣我地啫！妳自己一個，妳又走得甩咩？」財神憤怒說

「咁就先送你一程，比機會你同你老婆佢地重聚。」呂晨說著，竟然向財神的胸膛打了一槍！！

「財神！！！」我立即扶著中槍跪在地上的財神

「再見啦，頭先嘅槍聲已經引嚟唔少喪屍。佢地會因為槍聲而追殺你．．．我就可以無驚無險咁離開．．．我係你就諗下辦法點走啦。．．．不過點都無所謂啦，結果都係一樣．．．係咁啦．．．男朋友。」呂晨說著便轉身離開

「我憎死妳！！！妳條死八婆！！我做鬼都唔會放過妳！！！！」我吼叫著

「你做完喪屍先講啦。」呂晨轉身過來向我微笑了一下，然後便悄悄拋下我們離開了．．．

這時,身後傳來喪屍的呻吟聲，我回頭看，它們已經把我和財神包圍住．．．看來我們真的窮途末路了．．．

Act 12 曙光的終點

「嗰度係．．．長沙灣警署．．．點解啲喪屍迫晒喺嗰度．．．？連個露天車場都迫滿晒．．．」財神問

「唔．．．唔通係．．．槍聲？會唔會係啲差佬喺嗰度開槍射喪屍．．．啲喪屍聽到槍聲就愈聚愈多．．．你知啦，啲議員話差佬學歷低，有槍喺手好危險呀嘛．．．」我猜說

「好有機會係咁．．．不過佢地離我地都幾遠下．．．應該唔怕嘅．．．我地只要靜靜咁行，佢地唔會理我地嘅．．．」財神說

「咁多喪屍落車行？？喂，你地唔好咁樣得唔得呀？一早聽我講留喺朗豪坊咪好囉！！」Brandy激動說

「．．．咁妳宜家行唔行呀？」我不耐煩說

我們下車，急步沿著馬路向前行，走過數十輛車後，我們看到一輛大型警車！

「警車上面可能有槍嗰啲嘢我地可以用，過去睇下！！」我說著並走到警車前

但是車門都上鎖了．．．而車內卻空無一人．．．我只好用鐵撬把後門強行打開。可惜裡面卻空空如也．．．

「搞撚錯呀．．．」求撚奇抱怨說

「唉．．．又會咁黑嘅．．．算啦．．．就算有我地都唔識用啦．．．呂晨，前坐有無咩發現？」我問搜查前坐的呂晨

「．．．無呀．．．咩都無．．．」呂晨說

「咁算啦．．．我地走啦．．．」我失望地下車

此時，警車的警號突然響起了！！！！

「咩事？？？」我和財神看過去呂晨那邊

「對．．．對唔住．．．我唔小心撳到個制．．．點算．．．」呂晨十分著急

同時，遠處的喪屍都被警車聲所吸引，全部都開始走過來！

「撳返熄佢啦！！」財神說

「點撳呀？？？唔得嘅？？？」呂晨不斷按下被她碰到的按鈕

「算吧啦！！走啦！！」我立即下車

然而，身邊的車輛都突然湧出喪屍！！一些從車裡爬出來、一些從車輛後面來、更有一些從車底來！！我們一下子被完全包圍了！！莫說警署那邊的喪屍群也愈來愈接近！！！

「仆街！！依舖真係奶撚晒西！！」求撚奇邊殺邊說

「點算呀？？？？」Brandy十分著急

「流主．．．點好呀？？」財神邊殺邊問

「唔．．．唔好理啦，我地一路殺一路走啦，沿馬路繼續走！！」我邊殺邊說

我們不斷斬殺從車裡撲出的喪屍，一邊前進。雖然後方的喪屍並沒有追得很急，但就算已經超越了警車都仍然追著我們．．．而前方則不斷有喪屍湧出．．．我們都快沒氣力了．．．

「前面有個地盤！入去避下先啦！！」我指著路邊的地盤

「我著高踭鞋點爬呀？？喂！！！」Brandy說

我們沒有回應，都全速跑過去，爬過圍欄躲進地盤，Brandy也只有無奈地跟著我們，勉強爬過圍欄．．．幸好地盤裡，只有數隻喪屍，我們把它們清理掉，便立即躲進一個貨櫃寫字樓．．．

「啲喪屍應該搵我地唔到嘅．．．宜家唯有等架警車收聲．．．我地先可以出返去．．．」我說

「但係等到幾時．．．」呂晨問

「應該唔會好耐掛．．．始終架車唔係行緊．．．應該好快無電．．．」財神說

「唯有就係等嘅者．．．」我說

「最麻煩都係妳呀！！咁鬼論盡就咪學人走上車啦！！！都唔知妳係咪有心架！！」Brandy對呂晨惡言相向

「妳好囉喎！我地一直都保護妳，妳就依樣嗰樣！呂晨都唔係有心啫！妳使唔使咁嘅態度呀！！」我看不過眼說

「啊，你地保護我？咁我使唔使多謝你地呀？？係你地夾硬話要去乜鬼嘢酒店先搞成咁架！好心流主你就成熟啲啦，宜家唔係玩遊戲打機呀，挑戰高難度呀？你啲朋友死晒，你都有責任架！．．．你地啲後生就係咁，有問題、有差錯就淨係埋怨外界，唔識好好自己反省下。人地好心提你啦，你就覺得人地事事針對你，唔肯聽下人意見，唔會話．．．」Brandy連珠爆發

「妳好撚嘈。」求撚奇突然輕輕用手指按住Brandy的嘴巴，低聲地說

「．．．咩．．．咩喎．．．」Brandy竟然突然滿面通紅手足無措起來．．．

「唉．．．大家都唔好嘈啦，宜家咩環境？最緊要係大家團結．．．」財神說

於是我們都靜下來聽著警車聲．．．由緊張的氣氛變成鬆懈，再變成無聊．．．我們一邊吃一邊等．．．

「唔．．．」呂晨欲言又止

「做咩呀？」我問

「我．．．想去廁所．．．」呂晨小聲說

「忍下先啦．．．最好等警車聲無左先．．．」我說

此時，警車的警號聲真的停止了！！

「係咪我聽錯．．．定我已經聾左？」財神說

「好似堅係停撚左喎。」求撚奇說

我們慢慢離開貨櫃式寫字樓，呂晨和Brandy立即走到不遠處的流動廁所解決．．．我們男的則隨便找個地方解決．．．

「好啦．．．應該安全架啦，我地上返天橋行葵涌道去青衣啦。」我說

我們小心翼翼地避過遠處喪屍的耳目，沿著路走，終於看到車龍的盡頭了！我們走到最前面的一輛車，可惜依然是開動不了．．．我們搜查了數輛車，全都是沒油或是沒電．．．我們只有繼續步行．．．所有沿路看到的車都續一嘗試．．．但是結果都一樣．．．看來除非車輛是已經完全停止並關掉了引擎．．．否則這麼過了兩天．．．沒油沒電並不出奇．．．受著這些打擊．．．我們累得什麼也沒有說．．．不經不覺，天色已經昏暗了．．．

「依度係邊度．．．」呂晨沒力氣問

「葵青路．．．」我說

「前面巴士站有架車．．．我過去試下．．．」財神說

我們沒有回應他，只是不斷前進．．．就在我們都不抱期望的時候，這次竟然成功了！！！我們都立即跑上車！

「好嘢！！！」呂晨十分歡喜

我們也都鬆了一口氣，求撚奇喝了一口水，立即便開車前往碼頭。

「仆你個街，我求撚奇命大！我同你地講，如果再塞車呢我就切柒！」求撚奇自信滿滿

不過好景不常，很快我們真的又遇到堵塞的車輛了．．．

「屌咩．．．」求撚奇說

「已經好好架啦，我地已經入左青衣島，依邊沿路行落去，半個鍾左右就去到碼頭！」我說

「你好熟路喎。」財神問

「當然啦，我住青衣架嘛。」我說

「原來係你環頭．．．失撚敬！」求撚奇說笑

半小時後，我們終於走到碼頭所在的工廠街，遠處已經可以看到有燈光和不少人聚集。

Act 11 曙光

「我呢，就行黑嘅，你地都估撚到架啦，但係點解我會行黑呢？你地就實估唔撚到！．．．其實就係因為一包萬里望。」求撚奇點起一支香煙說

我們想笑但還是忍住了。

「當年，我仲細，我啱啱出嚟做嘢，但係我依啲孤兒撚呢，無撚讀過書，又西懶，唔鳩鍾意擔擔抬抬，但係又要錢又要食飯，咁點呀？咪偷嘢囉！話說，有一次，我好撚記得係中秋，我去偷月餅食。本身好地地架，你地知我身手敏捷架啦，喺間士多度，偷撚左兩隻月餅，個老闆唔撚知架．．．哈！點知自己衰貪心，見撚到有包萬里望跌左喺地下，咪順手拎鳩埋走囉，呀就係咁就斷撚左正．．．依個時候，有條撚樣突然走出黎，幫我比撚左錢。條撚樣就係我宜家個大佬，正正係因為有恩於佢，我就決定跟鳩佢啦。」求撚奇說

「．．．好．．．好．．．好精彩。」財神笑說

呂晨也拍手付和了，氣氛的確是輕鬆了不少。

「咁流主你呢？」財神問

「我．．．我本身係一個大學生，老豆老母喺我細細個嗰陣已經離左婚，因為我老豆係一個泥頭佬，無出息．．．平時除左返學我都會幫老豆手．．．」我說

「咁令尊宜家呢？」財神問

「死左。」我說

「點．．．點死．．．？」呂晨問

「佢變左喪屍，襲擊我，我用鐵撬打爆左佢個頭。」我說

大家都靜下來了．．．

「對唔住．．．」呂晨道歉說

「唔緊要，我本身都係無乜朋友嗰啲人嚟，屋企亦都無人，得佢同我，我慣左寂寞。」我裝作堅強，但其實是想哭出來的，每一次想起父親．．．我都想哭．．．

「流主，你仲有我地呀嘛。」財神笑著說

「咪撚係，你即係當鳩我地無撚到啫！我話你知，我求撚奇對義氣依樣嘢就一啲都唔撚求其嘅，你救左我幾命，我實射住你！」求撚奇說

「無錯，雖然．．．我地死左唔少朋友，但係無可否認，我條命係你救返嘅。」財神說

「而且．．．宜家開始．．．你有我呀嘛！」呂晨突然抱著我說

「吓．．．唔．．．唔明．．．」我很驚訝呂晨的舉動

「．．．使唔使咁快投懷送抱呀。」Brandy有點鄙視說

不過大家沒有理會Brandy的諷刺，求撚奇更吹著口哨嘲笑我，害我滿臉通紅了．．．．．．看來我從今以後都不再孤獨了。

隔天早上，正睡得甜的我被一些膠袋的聲音吵醒了．．．我張開眼睛．．．發現天原來都光了．．．我是不知不覺睡著了吧．．．我向聲音的來源看過去，原來呂晨在吃零食．．．

「哇．．．妳真係好刷得．．．起左身好耐啦．．．？」我說

「唔？你起身啦？早晨！食唔食呀？媽咪麵嚟架。」呂晨把零食遞給我

「唔．．．唔使啦．．．先啱啱擘大眼．．．咦？得妳嘅？其他人呢？」我問

「佢地都起左身啦，佢地話去睇下附近啲車有無嘢可以拎喎。」呂晨邊吃邊說

「啊．．．我去搵佢地。」我說著並下車

我離開車輛，看到財神正拿著幾個皮包回來

「啊？女人手袋都拎？」我問

「唔係．．．用個袋裝嘢啫，我搵到啲頭痛藥，仲有啲紙巾，咪拎左先囉。」財神說著便把東西放到車上

「流主。」不願意地拿著物資的Brandy走過說

「．．．做咩？」我問

「睇你咁天真，都無點踏足過社會啦！唔好亂咁信人呀！」Brandy突然說

「．．．關妳咩事啫。」我第一個不信妳

我走到遠處，求撚奇正在搜查一架小型貨車。

「有無收獲呀？」我問

「好撚多呀，你嚟得啱，幫手搬啦，好撚多水呀佢。」求撚奇說

我一看，原來是樽裝水，而且都是小樽裝的，我還以為求撚奇在說甚麼．．．於是，我們便把水都搬到自己的車上，並開始討論要到哪裡去。

「咁嚟緊點呀？」Brandy問

「我都唔知．．．」我邊說邊拿出手機，看看有沒有甚麼新消息

網上的新聞說，所有過海隧道已經封閉，所有港島的碼頭亦派警員嚴密註守，看來真的不打算讓我們過去．．．再看一看世界各地的新聞，原來都在報導有關的消息，而且香港並不是唯一一個淪陷的地方，中國也有多個地方淪陷．．．但是原因暫時不明．．．我再到經常瀏覽的網上論壇看，全都是生還者的消息．．．突然我看到一個帖子．．．

「唔想死嘅入黎」

我立即進去查看．．．竟然只有一組號碼．．．

「即係咩．．．？」我不明所意，然後把手機給其他人看

「唔．．．唔知。」財神猜說

「．．．唔好問我。」Brandy看了一下說

「屌，我知啦，我成鳩日揸車．．．電台呀！」求撚奇笑說並打開車輛的收音機

我們把收音機扭到帖子上看到的號碼，果然真的傳來一段聲音！

「．．．嘅大家，可以嚟到聚集，我地會等到今晚嘅十一點正，就正式開船。雖然我地嘅船只可以載二十人，但係我地會先過去香港嗰邊，之後會不斷往來碼頭，救助更多嘅生還者。．．．．．．大家好，以下係一段錄音廣播，我地係青衣消防局嘅部隊，我地已經喺青衣碼頭嘅消防碼頭設立左一個救護站，我地有食物、有食水、有藥物、有船。我地計劃用消防船救助大家去香港嗰邊，聽得到嘅大家，可以嚟到聚集，我地會等到今晚嘅十一點正，就正式開船．．．」

「有救啦！！」呂晨首次興奮得放下手上的食物

「都係消防員靠得住。」Brandy說

「咁唔諗啦！出發出發！！」我說

雖然事情發生了才兩天，但是我已經疲憊不堪，現在總算看到曙光了！我們立即開車起行！

「依度過去唔使半個鍾，今次掂撚過碌柒啦！」求撚奇說

「總算鬆．．．唔係掛．．．」財神看著路面，不禁呆住了

正當大家以為快要離開行車天橋．．．前路竟然又被車輛堵塞了．．．

「頂．．．又係咁．．．雖然依個位出名多車啫．．．」我說

「唯有落車嘅啫．．．我地都無得選擇．．．宜家最重要係不斷前進．．．盡快到消防碼頭。」財神說

「吓！？行路？？青衣喎？？」Brandy反應很大

「嘩．．．你地睇下嗰邊！」呂晨指著不遠處說

她所指的方向竟然迫滿了喪屍．．．而且可能比起朗豪坊的還要誇張．．．

Act 10 大難不死

「呀！！！！！！」此時阿立不顧一切，用盡氣力向喪屍群推過去

他竟然真的把喪屍群推倒了．．．可是他自己卻也因而被咬了！

「阿立！！！」我哭著

「走啦，你地一定要生存落去！」阿立一邊大叫一邊跑進喪屍群不斷斬殺！

現在還剩下我、呂晨、Brandy、財神、Mike和Natalie．．．財神看我們好像都呆了般，他忍不住自己先跳了，他也成功落在車上。

「快啲落嚟啦！！」財神叫上來

「我先落去，我會好好咁接住妳地，妳地要即刻落嚟！！」我立即跳下去，也成功落在車上

Brandy緊接跳了下來，但是，我再看上去．．．卻沒有人再跳下來了．．．

「點算．．．？？」財神問

「附近啲喪屍愈嚟愈多啦！！散水啦！！」求撚奇說

「．．．屌！！．．．走啦！」我含淚說

突然，橋上傳來女子的叫聲，原來是呂晨！她終於跳下來了！我立即上前接住她！

「好彩妳無事咋．．．Mike同Natalie呢？」我按耐不住心情，緊緊抱著她

「我．．．好驚．．．佢地叫我跳先．．．」呂晨也哭著．．．而且她也抱著我

「唉．．．算啦，等唔到啦．．．走啦！」我無奈說

由於路上都是棄置車輛，喪屍們也開始從橋上掉下來，我們只有馬上走路離開．．．我們沿著馬路走，在求撚奇的掩護下走到大街。

「點撚樣算呀？去邊撚度呀？」求撚奇問

「左邊係去果欄．．．右邊係大角咀．．．我地向右啦！」我說

我們沿馬路一邊殺一邊逃，走到一個十字路口。

「嗰度條路無塞車呀！」呂晨指著遠處說

「嗰邊係去葵涌架喎，我地試下最盡頭架車開唔開到啦！」我說

我們跑過去，不幸中的大幸，車輛仍然能夠正常運作！！我們立即上車逃走．．．

由於已經深夜了，我們把車停在行車天橋的中間路段，這裡的喪屍數量極少，路面的車輛亦不算多，起碼沒有把路堵塞著。恰巧我們偷來的這輛車是一輛七人旅行車，我們算是有足夠的空間休息．．．

「．．．咁宜家點？」坐在駕駛席的求撚奇問

「唉．．．雖然我識左軒哥佢地唔係好耐．．．但係．．．唉．．．」坐在前坐的財神苦著臉說

「．．．仲好講，明明我地只係引嚟左十零隻喪屍，我地係對付得到架！條撚樣無啦啦開槍，佢以為佢係邊個？差佬大撚晒呀？要聽撚晒佢支笛呀？係佢累死我地啲人架！」我非常不忿，但多少原因是因為他侵犯了我的領隊位置，和呂晨與我的關係

「冷靜啲．．．我又唔係話佢啱．．．」財神被我的反應嚇著了

「我第一個跳落去，唔撚知你地發生左咩事，但係阿強點解．．．？」求撚奇問

「最撚仆街個兩條大陸西，係條撚樣掙住跳所以撞左阿強落街！」我回想起來都依然很憤怒

「你冷靜啲啦．．．」呂晨捉著我的手說

「妳收聲！妳呢？妳．．．算啦，無撚野啦！」我氣得下車了

老實說我是很想罵她的，但是罵她什麼？因為一句Yes Sir？太不合理吧？可是我就是很不忿，那個軒哥才剛認識便認隊長了！我救了呂晨數次，她都沒有這麼聽話！．．．不過．．．我又能說甚麼，她又不是我什麼人．．．而且說出來也顯得我很幼稚小氣．．．阿立的死也讓我很內疚．．．還有阿強．．．勤力德．．．他們．．．他們都是被軒哥害死．．．

呂晨接著下車走過來。

「流主．．．你唔好嬲啦．．．」呂晨輕輕拉著我那皮褸的衣袖

「阿立佢地都死左啦．．．我要好冷靜咩唔通？」我說

「咁．．．都無辦法架．．．你都話係軒哥搞成咁．．．佢宜家都死左．．．你嬲都無用架啦．．．」呂晨說

「我．．．我嬲自己點解保護唔到佢地．．．點解我會咁大意．．．」我說

「咁唔可以怪你架喎．．．總之．．．你唔好嬲啦．．．我地仲需要你．．．」呂晨說

「我可以做到啲咩？我連自己啲人都保護唔到！！」我激動說

「我求你啦．．．」呂晨竟然哭出來了．．．

我被呂晨強拉回車上，但是氣氛仍然十分沉重．．．因為剛才還差點兒沒命，也死了數個同伴．．．下一步要怎麼做也沒有頭緒．．．

「喂，餓底，不如食啲嘢先啦。」求撚奇試著緩和一下氣氛

他在他的背包拿出了數個罐頭，還有一些麵包，我們都只能勉強吃下去。

「．．．依啲嘢邊係人食．．．」Brandy十分無奈地說，但還是接過食物

「其實我呢，算係幾好彩。」財神說

「點解呢．．．？」呂晨問

「我老婆仔女一早已經死晒，佢地唔駛經歷依啲嘢，所以我無咩牽掛。」財神微笑說

「可唔可以講比我地知係咩事．．．？」呂晨問

「嗰陣我係一間五星級酒店嘅大廚，搵到錢，咪諗住同老婆仔女去旅行玩囉．．．點知我突然又有個大會要開，但係老婆仔女啲公司學校都已經請晒假，咁咪淨係佢地自己去先，諗住過兩日先去搵返佢地．．．點知．．．佢地坐嗰班機出左事，全機人都罹難．．．唉．．．所以話，世事邊度係我們咁易估到．．．之後，我就決定自己開一間餐廳，因為依個係我老婆嘅心願。」財神說

「你真係好愛你老婆．．．如果我都可以遇到個咁嘅人就好啦．．．」呂晨眼角看著我說

我真的很想舉手相認，不過卻就是說不出．．．而且還在裝著看不到．．．因為我還在鬧脾氣。

「咁妳呢呂晨？」財神問

「我．．．無咩咁特別，咪普通人一個．．．不過屋企都算有錢嘅．．．而且我有個阿哥，佢都搵好多錢．．．所以我都唔使點做．．．」呂晨說

「咁妳．．．屋企人宜家呢？」財神問

「佢地去左美國親戚度玩．．．阿哥就出左Trip，好似去左巴黎．．． Brandy妳呢？」呂晨說

「哼．．．我係一間上市公司嘅Marketing Manager。對上得兩個人，對下有幾百人。平時淨係出入豪門宴會，好日唔出旺角，一出就搞啲咁嘅嘢．．．宜家仲要食埋啲咁嘅垃圾．．．都唔知點算好呀！」Brandy不耐煩說

「呃．．．咁妳屋企人呢？」財神問

「無一個喺香港！」Brandy說

「咁妳條仔呢？」求撚奇問

「哼，香港無男人配得上我！之前係有個鬼仔追我嘅，模特兒嚟，不過我唔係啲咁隨便嘅女人。我自己都有幾層半山樓揸手，無返咁上下成就都咪使旨意追我！」Brandy不肖說

「．．．．．．」我們幾位男性都沒有回應，只是互相對望著．．．

「係呢．．．仲有無野食．．．？」呂晨說

「我有包萬里望花生．．．」我從背包拿出了一包花生

「講起萬里望，我無得唔出聲．．．」求撚奇好像想到什麼

Act 9 意外

「．．．聽落好完美．．．我認為行得通。」我說

「掂撚過碌柒啦！！」求撚奇說

「OK喎，Brandy妳覺得呢？」財神問

「哼．．．」Brandy一臉不悄

「好，咁我地就行動啦！」我說

我們依照計劃來到三樓，果然如勤力德所說，這裡喪屍數量不多，我們輕鬆便來到電梯。

「嗱，陣間我地一上去就盡快跑入Café。行先嘅流主就開定玻璃門，第二嘅求撚奇就出去露台，殺得就殺。之後我地衝出去另一邊，應該就係去酒店嗰條橋。等齊人就最快速度跑去酒店，就係咁簡單．．．」軒哥說

「Yes Sir！」呂晨回答

我心裡頓時感到有些不是味兒，之前一直都是我帶隊的吧？也算是救了你們數次，現在軒哥兩句說話就變乖乖了．．．

我們沿著電梯走到四樓，幸好電梯附近都沒有喪屍，就連咖啡室那數張餐枱都沒有喪屍，我立即依照計劃走到通往露台的玻璃門並打開它，求撚奇立即衝出去不斷砍殺，而隨後的阿強也加入戰團，不消一會便輕鬆把露台的數隻喪屍消滅。但是，這時我們才發現通往天橋的門因為維修被木板圍封了！

「點算呀？？」呂晨捉著軒哥問

「試下拆左啲板囉！」我有點不忿說

我們沒有時間猶豫和選擇，只有嘗試把木板拆下來。正當我們走近木板之時，數隻喪屍突然破開木板撲出來！！我立即舉手把最接近的一隻推開，求撚奇也立刻用刀猛地砍向它的腦袋！但是除了撲出來的數隻喪屍外，木板後仍然不斷有喪屍走出來！！

「大撚獲！！」求撚奇心知不妙

「返轉頭！返轉頭！！」軒哥立即大喝

「唔使返轉頭啦！佢地出嚟個位咁窄，我地續隻殺咪得囉！」我說

可是，軒哥沒有理會便走回頭了．．．我們也只有跟著他走。我們邊戰邊退，穿過玻璃門回到廣場！

「呀！！」Brandy不知道被甚麼絆倒，跌在地上

雖然這不並構成甚麼致命傷害，但是她的叫聲卻吸引了附近十數隻喪屍的注意！它們看到可憐的Brandy跌在地上，都立即湧上去想把她撕皮拆骨！我們立即上前攻擊！

此時，軒哥突然舉槍向最近他的一隻喪屍開了一槍！！極大的槍聲把我們都嚇住了．．．也把在廣場內所有的喪屍都喚醒了！！！！

「你痴撚左線呀！！？？」我立即罵他

「仆街！依舖真係含撚都無彎轉！」求撚奇說

「落返三樓先啦！」勤力德說

他們都怕得立即沿著電梯跑回三樓，卻居然沒有人打算扶起Brandy！．．．不過，她性格差勁，相信平日也開罪不少人．．．她是生是死又與我何干？

「唔好掉低我呀！！！」Brandy大聲呼叫

我真的要掉下她嗎？

「流主！！你扶鳩佢，我擋撚住！！」求撚奇說著，立即上前砍殺喪屍

我沒有怎麼考慮，身體自己便行動起來。我立即跑上前扶起Brandy，求撚奇見我成功了便立即和我一起撤退。我們回到三樓，只見其他人都在等待我們，但除了他們，也有一大群不知何時來到的喪屍在恭候著！！

「啲喪屍邊度嚟架！？」我驚訝說

「再落多層啦！我記得二樓同一個位有條天橋去綜合大樓架！」財神說

我們已經沒有細心思考的空間，只有見步行步。我們來到了二樓，果然如財神所說，真的有另一條天橋！我們當然二話不說跑過去！

此時，前方有一對男女跑過來。

「你們要救救我們呀！！我的朋友都被那些瘋子給吃了！！你們一定要救我們！！」男人用普通話說，看來是旅客

「我地後面都好多喪屍呀！！」阿強說

禍不單行地，緊接著這對男女的出現，綜合大樓那邊竟然也湧出一堆喪屍！！跑最前的阿強立即跑回頭，緊隨著他的勤力德也立即轉身。此時那個內地女子嚇得跌在地上，勤力德立即把她扶起來，不過穿著高跟鞋的她因為太害怕而站不起來，更不斷大叫！！阿強立即折返幫手，可是已經太遲了，其中一隻喪屍向她撲過去，一口咬著她的腰間！！阿強和勤力德只有後退，此時，那女子一手緊緊抱住勤力德的小腿！！

「救我！！救我！！！你們不能掉下我們！！！要不是我們．．．呀呀呀！！」女子大叫著

「放．．．放手！！！」勤力德不斷想甩開她

此時另一隻喪屍撲上前捉住了勤力德，更一口咬向他的咽喉！！他立即血如泉湧！！其他的喪屍好像被血味所吸引般，全部都發狂地撲到勤力德身上不斷撕咬！

「勤力德！！！！」我只有無力地看著勤力德死去

戰友死了，但是喪屍們並沒有讓我們好好地默哀，它們依然不斷接近。我們回頭看看，才發現原來上層的喪屍都跟著來了．．．喪屍群對著我們張牙舞爪，把我們包圍在天橋中間的玻璃窗前．．．

「呀！！！」軒哥突然大叫

他像發狂般不斷開槍！！此舉讓一眾饑餓的喪屍都湧向他，而且他的手槍沒有多少子彈。一下子，軒哥已經被喪屍群淹沒了．．．

混亂中我向後看，穿過玻璃窗看到正好有一輪紅色小巴在橋下！！這裡有兩層樓高，可能大概有十米左右，小巴車高不夠三米．．．如果落在車頂上．．．應該不會死吧！我沒有時間多想，果斷地拿出二十磅大槌，猛地揮向玻璃窗，把它都轟碎了！

「跳落去啦！！」我大叫著

求撚奇二話不說先跳，更完美地跳在小巴上，而且看來沒有受傷，他應該是很擅長這種情況吧？．．．不過，我以為他是貪生怕死而搶先跳下去，但意想不到他立即跳到地上，便開始清除附近的喪屍．．．更示意我們跟著下去。

「呂晨！妳先！！快！！！」我推著呂晨

「唔得．．．太高．．．我好驚．．．要搵人接住我．．．」呂晨都哭出來了

「我先啦，之後我喺下面接著呂晨啦！」阿強說著並準備跳下去

「你們只會說說說，你們不跳我先跳！！！」操普通話的男子說著更搶著跳下去

但他竟然把阿強推開，自己再跳下去！！我們眼白白看著失平衡的阿強從我們這裡掉到街上．．．求撚奇立即過去看他．．．但是他的頭部位置不斷流出鮮血．．．看來已經返魂乏術．．．反而那個內地男子自己跳不準也掉在街上死了．．．

「阿強．．．．」我也想哭出來了

「你地快啲啦我頂唔緊啦！！！」阿立邊戰邊說

「宜家點算呀你地話？好好地係上面無事，跟你地落嚟就搞成咁．．．！我唔想死呀！！！」Brandy雙眼泛著淚光說

「我都係想大家有個更安全舒適嘅環境啫！！」我說

可是，現在說甚麼都是徒然，喪屍群已經迫到眼前．．．我們已經來不及了．．．